Косметика интернет-дүкенін қалай ашуға болады

Косметика мен денеге күтім жасау құралдары — қазіргі онлайн сауданың ең танымал және табысты бағыттарының бірі. Мысалы, ресейлік нарықта косметика сататын интернет-дүкендердің үлесі Data Insight деректеріне сәйкес, барлық интернет-дүкендердің 10%-ын құрайды. 

Косметикалық тауарлар сататын табысты интернет-дүкенді қалай құруға және іске қосуға болады — осы мақалада айтып береміз.

Косметиканы кімдер онлайн сатып алады

Алғаш қарағанда бұл сұрақтың жауабы анық: косметиканы жиі қолданатын адам – сол оны сатып алады. Көбінесе бұл — 16 мен 70 жас аралығындағы, әртүрлі әлеуметтік мәртебесі мен табысы бар әйелдер. Біреулер сәндік косметика сатып алса, енді біреулер гигиеналық құралдар мен тері мен денеге күтім жасауға арналған өнімдерді сатып алады. Қалай болғанда да, косметика сататын онлайн-дүкендердің негізгі тұтынушылары — әйелдер.

Алайда ер адамдар да косметика сайттарын қолданады. Олар көбіне ерлер парфюмериясына, гигиеналық құралдарға (қырыну құралдары, көбіктер мен кремдер, дезодоранттар) қызығушылық танытады. Сонымен қатар, ер адамдар жиі интернет-дүкендерден сүйікті әйелдеріне арналған сыйлықтар мен сыйлық жиынтықтарын (әсіресе жиынтықтарды!) сатып алады. Сондықтан өз сайтыңыздың аудиториясын анықтағанда, бұл санатты да міндетті түрде ескеру қажет. 

Онлайн-косметика дүкенінің ассортименті мен мамандануы

Интернет-дүкеннің сатылымы көбіне оның ассортиментіне байланысты. Ассортимент неғұрлым кең болса, дүкен сөрелерінде тауар топтары көбірек ұсынылса — сайтқа кірген адам бірдеңе сатып алуы ықтимал. Бірақ, сонымен бірге, тар маманданған дүкендер де бар және олар сәтті жұмыс істеп келеді.

• Косметика интернет-дүкендерінің ең танымал форматы — мультибрендті дүкен, мұнда әртүрлі брендтер мен тауарлар кеңінен ұсынылған. Барлығы санаттар мен ішкі санаттарға бөлінген, әрқайсысында таңдау бар. Бұл — өзінше бір онлайн әмбебап дүкен.
• Монобрендті дүкен — белгілі бір брендтің өнімдерін ғана ұсынатын дүкен. Әдетте, мұндай дүкендерді осы брендтің ресми дилерлері ашады. Белгілі атау жарнама шығындарын азайтады.
• Премиум-класс косметикасы. Мұндай дүкен ауқатты адамдарды клиент ретінде тартуға бағытталған. Мұнда люкс брендтердің, жоғары сапалы өнімдері ұсынылуы керек. Иә, олардың бағасы қарапайым косметикадан әлдеқайда жоғары болады.
• Мамандандырылған косметика дүкендері: органикалық, табиғи, емдік косметика — мұның бәріне белгілі бір тұтынушылар тарапынан сұраныс бар. Мұндай дүкендер үшін сауықтыру орталықтарымен, спа-салондармен серіктестік орнату тиімді.
• Кәсіби косметика. Сұлулық салондарына, шаштараздарға, спа-салондарға арналған тауарлар да жиі онлайн сатып алынады. Көп жағдайда бұл — заңды тұлғалар арасындағы мәмілелер, сондықтан төлем тәсілдеріне сәйкес мүмкіндіктерді де ескеру керек.
• Елге тән косметика. Корей, қытай, араб, француз косметикасын сататын дүкендерге де сұраныс жоғары. Мұндағы басты қиындық — сенімді жеткізушілер табу.

Айтпақшы: кейбір косметикалық және парфюмериялық өнімдер (әсіресе, парфюмдер мен иіс сулар) міндетті таңбалауға жатады. Қазақстан Республикасында тауарларды таңбалау туралы осы жерден білуге болады. 

Косметика интернет-дүкені үшін жеткізу тәсілдері

Сатып алынған тауарды сатып алушыға әртүрлі тәсілмен жеткізуге болады: курьер арқылы, пошта арқылы немесе өзі келіп алып кету (самовывоз) арқылы.

• Курьерлік жеткізу. Бұл үшін кем дегенде бір-екі курьер немесе үшінші тарап курьерлік компаниясымен келісімшарт қажет. Клиент үшін өте ыңғайлы: тауар тікелей үйіне жеткізіледі. Алайда бұл қызмет әдетте дүкен орналасқан елді мекенмен шектеледі. Әрине, курьерлік жеткізуді басқа қалаларға да ұйымдастыруға болады, бірақ ондай жеткізудің бағасы айтарлықтай болады.
• Пошта. Косметиканы жеткізудің ең кең таралған тәсілдерінің бірі. Тауар оралған түрде пошта арқылы, төлемі жеткізу кезінде төленетін (наложенный платеж) сәлемдеме ретінде жіберіледі. Сатып алушы өзіне ыңғайлы пошта бөлімшесіне барып, сәлемдемені алып, төлем жасайды.
• Өзі алып кету (самовывоз). Егер сіздің интернет-дүкеніңіздің физикалық нүктесі болса (бутик, бөлшек немесе көтерме дүкен), клиент тапсырысты сол жерден өзі алып кете алады. Тағы бір нұсқа — жеке тапсырыс беру нүктесі (ТБН, немесе ПВЗ).

Косметика интернет-дүкені үшін сайт

Косметика интернет-дүкеніне сайт қажет. Жай ғана бір витринасы бар интернет-дүкен емес, функционалды әрі басқаруға ыңғайлы сайт керек. Мұндай сайтты жасаудың бірнеше жолы бар.

1. Сайтты студияда немесе агенттікте жасату. Артықшылығы — сіз техникалық тапсырмада көрсеткен нақты талаптарға сай, ерекше дизайны бар, бірегей сайт аласыз. Кемшілігі — бұл ұзақ уақытты талап етеді, қымбатқа түседі, әрі дайын сайтқа кез келген өзгеріс енгізу қосымша шығынды қажет етеді.
2. Сайтты өзіңіз танымал CMS пен шаблон арқылы жасау. Қазіргі таңда мұндай сайт конструкторлары өте көп. Тіркеліп, тарифті таңдау жеткілікті. Бірақ интернет-дүкен шаблондары әдетте қымбат тарифтерде ғана қолжетімді болады. Сонымен қатар, бұл конструкторлардың көпшілігі белгілі бір деңгейдегі программалау және беттеу (верстка) білімін қажет етеді.
3. Арнайы интернет-дүкен конструкторын пайдалану, мысалы, Dzumba сервисі. Бұл сервис арнайы интернет-дүкендер жасауға арналған, және сауда жүргізуге қажетті барлық құралдармен жабдықталған. Интернет-дүкенді жасау және іске қосу процесі әлеуметтік желіде тіркелумен бірдей жеңіл. Сізге тек қажет өрістерді толтыру қажет (дүкен атауы, байланыс деректері, жеткізу және төлем туралы ақпарат), тауар санаттарын жасап, сипаттамаларын енгізіп, бірден сауда бастауға болады.

Бұл сервистің басты артықшылықтарының бірі — сізге екі айлық тегін сынақ кезеңі беріледі. Осы уақыт ішінде сіз сайт пен конструктордың барлық мүмкіндіктерін толығымен тексере аласыз. Тағы бір артықшылығы — мұнда тек бір тарифтік жоспар бар және барлық функционал сол жоспарға кіреді.

Кемшілігі — дүкеніңіздің дизайны стандартты болады және тек логотип пен корпоративтік түстер арқылы ерекшеленеді. Алайда бұл конструктор сайт қонақтарының назарын тек тауарға аударуға бағытталған.

Косметика интернет-дүкенін жылжыту және жарнама

Жарайды, сіз интернет-дүкен құрдыңыз, тауарларды жүктеп, оларды санаттарға бөлдіңіз, төлем жүйелерін баптадыңыз және жеткізу тәсілін анықтадыңыз. Қонақтарды сайтқа қалай тартып аласыз?

1. Егер сізде офлайн дүкен немесе бутиктік болса, онда міндетті түрде онда интернет-дүкеніңіздің туралы ақпаратты орналастырыңыз. Клиенттерге тауарлармен бірге беруге болатын QR-кодтар мен сілтемелері бар флаерлер, визиткалар тапсырыңыз, сондай-ақ терезелерге сол сілтемелер мен QR-кодтары бар плакаттар мен басылымдарды жабыстырыңыз. Жарнама ақпаратын орамаға орналастырыңыз. 
2. Қаладағы тұрмыстық аудандарда подъездтегі хабарландыру тақтасына жарнамалық парақтарды жабыстыру немесе пошта жәшіктеріне жарнамалық буклеттер салу бойынша науқан ұйымдастыруға болады.
3. Көлікте, аялдамаларда, метро станцияларында стикерлер мен жапсырмалар.  
4. Әлеуметтік желілердегі жарнама. Бұл да жарнама үшін өте кең алаң:

a. Мақсатты жарнама. Қазіргі кезде әр әлеуметтік желі пайдаланушыларға жарнамалық науқандарды іске қосу үшін қолайлы және оңай құралдар ұсынады, мақсатты аудиторияны дәл баптауға мүмкіндік береді. 

b. Тақырыптық қауымдастықтардағы жарнама (әйелдер клубтары және т.б.). Мұнда жарнамалық жазбаларды әкімшілермен келісіп жариялауға болады.

c. Өз топтарыңызда және қауымдастықтарыңызда, жеке беттеріңізде жарнама. Жарнамадан басқа, мұндай қауымдастықтарда жазылушыларға дүкен жаңалықтары, жаңа өнімдер, акциялар мен жеңілдіктер туралы пайдалы ақпарат беру маңызды. Өз коммьюнитиіңіз – бұл сатып алушылармен кері байланыстың тамаша құралы. 

5. Яндекс пен Google-дағы контексттік жарнама. Бұл, әрине, жақсы ақша тұрады, өйткені нарықтағы бәсеке көп, бірақ көптеген потенциалды сатып алушыларды тартады.

6. SMS-жарнама немесе мессенджерлердегі тарату қызметтері арқылы жарнама. Сатып алушылардан (телефон нөмірі, электрондық пошта мекенжайы және т.б.) олардың келісімімен ақпарат жинап, акциялар мен жеңілдіктер туралы тұрақты таралымдар жасауға болады. SMS-жарнама қызметтерін (әдетте мобильді операторлар ұсынады) қажетті аудиторияға жарнамалық хабарламаларды жүйелі түрде жіберу үшін пайдалануға болады. 

Көріп отырғаныңыздай, косметика сату үшін интернет-дүкенді өз бетіңізше құру және іске қосу соншалықты қиын емес. Оңай құралдарды қолданыңыз, бәрі міндетті түрде сәтті болады.