Тамақ жеткізуге арналған сайт жасау

Кез келген бизнес дамығанша ғана өмір сүреді — бұл аксиома. Тамақ бизнесі де бұдан тыс емес. Сондықтан кафе немесе мейрамхана иесінің басты міндеттерінің бірі — жаңа клиенттер табу, сату арналарының санын арттыру. Осындай табысты арналарының бірі — тамақ жеткізу қызметі. 

Алайда жеткізумен айналысу үшін міндетті түрде өз кафеңіз, мейрамханаңыз немесе басқа тамақтану орны болуы шарт емес: көптеген кәсіпкерлер тек жеткізу үшін тамақ дайындайды. Бұл да бизнесті бастауға немесе кеңейтуге тамаша мүмкіндік. 

Біз осындай бизнеске неге жеткізу сайтын жасау қажет екенін және оны қалай ұйымдастыру керектігін айтып береміз. 

Тамақ жеткізуге кім және не үшін тапсырыс береді

Тамақ жеткізу бизнесін бастау кезінде ең алдымен болашақ сайттағы ассортиментті ойластыру қажет. Бұл сіздің тұтынушыларыңыз кім болатынына байланысты.

Жеткізу бизнесі үлкен серпілісті жақында болған коронавирус пандемиясы мен қозғалыс шектеулері кезінде бастан кешті. Үйде отыруға мәжбүр болған азаматтар бұрын-соңды тапсырыс бермегендердің өздері дайын тамаққа тапсырыс бере бастады. Шектеулер алынғаннан кейін де тамақ жеткізуге тапсырыстар азайған жоқ: адамдар оның ыңғайлы әрі оңай екенін түсінді. Сондықтан дәл қазір сатып алушыларға тамақ жеткізумен айналысуды ойлайтын кез келді.

Тамақ тақырыбында нақты аудитория сегментін бөліп көрсету қиын: бәрі тамақтанады. Тапсырыс беретіндер – студенттер де, орта жастағылар да, соңғы уақытта тіпті зейнеткерлер де белсенді тапсырыс беріп жатыр. Ер адамдар да, әйел адамдар да, отбасылы да, бойдақтар да тапсырыс береді. Біреулер достарымен демалуды жоспарласа, біреулер аяқастынан келген қонақтарды күтіп алмақшы, ал енді біреулер жұмыстан кейін ас дайындауға күш-қуаты жоқ болғандықтан тапсырыс береді. Осы әлеуетті сатып алушылардың әрқайсысы сіздің сайтыңыздан өзіне лайық нәрсені табуы тиіс.  

Кейбір адамдар кафе немесе мейрамхананың жеткізу сайтына кіргенімен, тапсырыс бермейді. Олар бөлімдерді қарап шығып, кетіп қалады. Бірақ олар мұны сол мекеменің мәзірін көру үшін жасайды — кейін түскі немесе кешкі асқа келуге тұрарлық па, жоқ па, соны шешеді. Осылайша, жеткізу сайты бірден екі қызмет атқарады: сіздің мекемеңіздің виртуалды сөресі болады және тамақ сатады. 

Неліктен өзіңіздің тамақ жеткізу сайтыңыз болуы керек

Неге біз Glovo, Яндекс.Еда сияқты халықаралық немесе жергілікті жеткізу агрегаторларын емес, жеке жеткізу сайтын құруды ұсынамыз? 

Бірінші себеп — мұндай агрегаторда тұтынушы тек сіздің ұсынысыңызды ғана емес, бәсекелестердің ұсыныстарын да көреді. Ол міндетті түрде сізді таңдайды деген кепіл жоқ. Ол көзге бірінші түскен нұсқаны таңдай салады, ал сіз сатып алушыдан айырылып қаласыз. 

Екінші себеп — агрегаторда бірінші қатарда шығу үшін қосымша ақы төлеу керек болады. Бұл — кез келген маркетплейстің әдеттегі тәжірибесі: көбірек сатқың келсе — төле. Ақырында, тамақ сатудан түсетін пайда мүлде аз болады. Ал өз сайтыңызда бұл шығындардың бәрінен құтыласыз және тағамдарды өзіңізге ыңғайлы бағамен сата аласыз. 

Жеткізу туралы екі ауыз сөз. Сіз үшінші тарап курьерлік компаниясының қызметін пайдалана аласыз немесе бір-екі курьерді өзіңіз жалдай аласыз. Екі жағдайда да шығындар шамалас болады. Сондай-ақ дайын тапсырысты өз бетінше алып кету (самовывоз) нұсқасын да ұмытпаңыз. Мұндай тәсілді көбіне сіздің мекемеңіздің жанынан өтіп бара жатқан немесе жақын жерде жұмыс істейтін адамдар таңдайды. Мұндай тапсырыстарға шағын жеңілдіктер жасауға да болады. 

Тамақ жеткізу сайты қандай болу керек

Ең бастысы — сайт пайдаланушы үшін қарапайым және түсінікті болуы тиіс. Сайтқа алғаш кірген адам не істеуге болатынын, қалай таңдап, тапсырыс беріп, төлеуге және алуға болатынын оңай түсінуі керек. Dzumba конструкторы арқылы дәл осындай қарапайым әрі ыңғайлы сайттарды жасауға болады. 

Сайт үшін үлкен артықшылық — сатып алушының комбо-тапсырыстарды өзі құрастыра алуы. Мұндай комбо-жиынтықтар (немесе сеттер) әдетте арзанырақ болады және сондықтан сатып алушылар арасында сұранысқа ие (сонымен қатар бизнес иесі үшін де тиімді, өйткені комбо-жиынтықпен тапсырыс бергенде бірден көп тағам сатылады). Мұндай функционалды Dzumba платформасында да жүзеге асыруға болады. 

Әрине, тауар карталары барынша мазмұнды болуы керек. Олар үшін ұсынылған тағамның сапалы фотосуреті қажет: клиент не тапсырыс беріп жатқанын көруі тиіс. Тағамның құрамына не кіретінін міндетті түрде көрсетіңіз — бұл кейбір өнімдерге аллергиясы бар немесе белгілі бір тағамдарды тұтынбайтын адамдар үшін маңызды болуы мүмкін. Сондай-ақ төлем тәсілдері, жеткізу мерзімі мен құны туралы ақпаратты осы жерге жазыңыз. Карточка неғұрлым толық болса, сатып алушының дәл осы тауарды таңдау ықтималдығы соғұрлым жоғары. 

Ең танымал тағамдарды (немесе жеңілдіктер мен акциялар қолданылатындарды) арнайы белгілермен ерекшелеп қойыңыз — мұндай тауарларды сатып алушылар жиі таңдайды. 

Төлем тәсілдері, жеткізу шарттары мен бағасы туралы толық ақпарат берілетін техникалық беттерге де назар аударыңыз. Байланыс нысаны бар байланыс беті де міндетті. “Компания жайлы” немесе “біз туралы” беттері де сайттың маңызды бөлігі болып табылады. Бұл беттерде сіз клиентке кәсіби екеніңізді, сізбен жұмыс істеуге болатынын дәлелдейсіз. Көбіне клиент басты беттегі мәзірді шолған соң дәл осы беттерге кіреді.

Тамаққа тапсырыс беру және жеткізу сайты қалай жасалады

Бірінші нұсқа — веб-студияға жүгініп, үлкен қаржы жұмсап (веб-сайтты студияда нөлден жасау — қымбат қызмет), нәтиженің дайын болуын күту. Бұл шешімнің артықшылығы — сізге төлем жүйелері мен қажетті сервистері қосылған дайын жұмыс істейтін сайт беріледі. Кемшілігі — сайтыңыз дайын болғанша біраз уақыт күтуге тура келеді, және оны іске қосу мүмкін болмайды. Сонымен қатар, сайт осы студияға “байланып” қалады, және дизайн мен функционалдағы кез келген өзгеріс үшін әзірлеушілерге қосымша ақы төлеуге тура келеді. 

Екінші нұсқа — сайтты сайт-конструкторда өз бетіңізше жинау. Мысалы, жоғарыда айтылған Dzumba конструкторында, ол интернет-дүкендер жасауға арнайы арналған. Бұл балалар конструкторына ұқсас: сіз өз дүкеніңізді дайын блоктардан жинайсыз, тек өзіңізге қажетті функционалды орнатып немесе қосып отырасыз. 

Бірден бірнеше тауар позициясын қосып, сауданы бастап кетуге болады, ал қалған тауарларды жұмыс барысында біртіндеп қосасыз. Сонымен қатар, сізге тегін CRM жүйесі және тапсырысты төлеудің ыңғайлы тәсілдерін қосу мүмкіндігі беріледі. Мұндай сайтты басқару өте оңай — тіпті ұялы телефоннан да ыңғайлы. Конструктор сайттарының тағы бір артықшылығы — платформаның барлық жаңартулары мен жаңа функциялары сіздің жұмыс істеп тұрған сайтыңызға автоматты түрде қолданылады. 

Тамақ жеткізу сайтын қалай жарнамалауға болады

Сайтыңыз туралы мүмкіндігінше көп адам білуі үшін оны жарнамалау қажет. Ал жарнама неғұрлым тиімді болу үшін бірнеше арнаны қатар қолданған дұрыс.

1. Әлеуметтік желілердегі жарнама. Әрбір әлеуметтік желі (Инстаграм, ВКонтакте және т.б.) бүгінде оңай әрі ыңғайлы бапталатын ақылы таргеттелген жарнама құралдарына ие. Сондай-ақ, әлеуметтік желілерде жеткізу қызметіңіздің топтары мен парақшаларын ашып, оларды тұрақты жүргізуді ұмытпаңыз: мәзір, жаңалықтар, акциялар мен жеңілдіктер жайлы ақпарат беріңіз. Пікірлерге дер кезінде жауап беріп, тұтынушылармен кері байланыс орнатыңыз.
2. Офлайн жарнама. Жарқын, шағын ақпараттық жапсырмалар жақсы нәтиже береді — оларда сайтқа апаратын сілтемелер немесе QR-кодтар болуы мүмкін. Мұндай жапсырмаларды адамдар жиі тамақ жеткізу туралы ойланатын жерлерге орналастырыңыз: қоғамдық көлік аялдамаларында, метро мен көліктерде, тұрғын үйлердің лифтілерінде. Егер сіздің нысаналы аудиторияңыз — кеңсе қызметкерлері болса, және сіз кеңселерге арналған түскі ас әзірлеп жеткізумен айналыссаңыз — жақын маңдағы бизнес-орталықтардың лифтілері мен ақпараттық тақталарында хабарландырулар іліңіз, қабылдау бөліміне визиткалар қалдырыңыз. 
3. Егер сізде офлайн-кафе болса, міндетті түрде витринада онлайн тапсырыс беру мүмкіндігі туралы ақпарат мен сайтқа апаратын QR-код орналастырыңыз. Осылайша, өтіп бара жатқан адамдар мен аудан тұрғындары сізден жеткізуге тапсырыс беруге болатынын біледі.Көшеде флаер тарату әдісі де жақсы нәтиже береді.
4. Іздеу жүйесіне оңтайландыру (SEO). Көптеген адамдар тамаққа тапсырысты іздеу жүйесінде бірінші болып шыққан сайттар арқылы жасайды. Сондықтан сайтыңыз сол “алғашқы тізімге” кіруі үшін біраз күш салу қажет. Егер сіздің сайт-конструкторыңыз SEO құралдарын ұсынатын болса, оларды міндетті түрде қолданыңыз. SEO маманын жалдаңыз: оның қызметі үшін жұмсалған қаржы тапсырыстар санының артуымен оңай ақталады.
5. Орау қаптамасындағы жарнама жайлы да ұмытпаңыз: курьер жеткізетін қорапқа немесе пакетке сайтыңыздың сілтемесі, QR-код және телефон нөмірлеріңіз жазылған ақпарат орналастырыңыз. Тапсырыспен бірге визитка, флаер немесе шағын буклет қосып жіберіңіз — клиент оны сақтап қояды да, келесі жолы қайтадан сізден тапсырыс береді.

Көріп отырғаныңыздай, тамақ жеткізуге арналған жеке сайтыңызды жасау және іске қосу аса қиын емес. Кез келген істегі секілді, бұл жерде де ниет пен дұрыс құралдар қажет. Dzumba сайт конструкторы — сондай қарапайым әрі сенімді құрал.