Кафе мен мейрамханаға арналған ең жақсы QR-мәзірді қалай жасауға болады

Барлық мысалдармен, лайфхактармен және маңызды нюанстармен толық нұсқаулық — алып, іске асырыңыз!

Қазіргі QR-мәзір — бұл жай ғана қағаз мәзірдің баламасы емес, нағыз сату және маркетинг құралы. Егер бәрін дұрыс жасасаңыз, орташа чек өседі, ал қонақтарға қызмет көрсету жеңілдей түседі.

1. Фото — тәбетті ашатын басты қару

Неліктен фото маңызды?

Instagram-да адамдар мәтін емес, тамақтың әдемі суреттеріне лайк басатынын байқадыңыз ба? Мәзірде де дәл солай: сапалы бір фото ұзақ сипаттамадан гөрі тезірек тапсырысқа себеп болады. Егер сурет тәбет ашса — адам оны міндетті түрде алғысы келеді.

Өз бетіңізше қалай түсіруге болады:

• Вспышканы қолданбаңыз. Терезе жанындағы табиғи, шашыраңқы күндізгі жарық ең жақсы нұсқа. Егер жарық жеткіліксіз болса — қала дүкендерінен немесе маркетплейстерден қолжетімді бағада софтбоксы бар шам немесе сақина шам сатып алуға болады.
• Фон мен ыдыс. Әдемі ағаш тақтай, матадан жасалған салфетка немесе бейтарап түсті тәрелке — суретті кәсіби ететін қарапайым бөлшектер.
• Түсіру бұрышы. Көп жағдайда тиімді ракурс — 45°. Пицца мен сорпа — жоғарыдан, бургер — қапталдан немесе қисық бұрышпен жақсы көрінеді.
• Өмірден алынған мысал. Алматыдағы бір кафе iPhone арқылы терезе жанында 2 сағат ішінде мәзірдегі 10 хит тағамды өздері түсіріп шықты — фотографсыз. Нәтиже: суреттерді мәзірге қойды — «Цезарь» салатының сатылымы 2 есе артты, себебі адамдар оның шынымен әдемі екенін көрді.

Фотоны қайдан тегін алуға болады

Егер фото түсіруге уақытыңыз болмаса — Unsplash немесе Pexels сияқты тегін сток сайттардан жүктеуге болады.

Кемшілігі — сурет сіздің тағамға сәйкес келмеуі мүмкін. Қонақ мінсіз бургердің суретін көріп, басқа түрін алса — көңілі қалуы мүмкін. Сондықтан мүмкіндігінше ұқсас фото іздеңіз.

Жасанды интеллект арқылы фото жасау

Қазір көптеген мейрамханалар ChatGPT, OpenArt, DALL·E немесе Midjourney сияқты құралдарды пайдаланып жатыр — бұл арқылы "мінсіз" фотоны тез жасауға болады.

Не қалайтыныңызды нақты сипаттаңыз, мысалы:

«Маргарита пиццасы, ағаш үстел, күндізгі жарық, жоғарыдан көрініс, шынайы стиль».

Міне, ChatGPT жасаған суреттің мысалы:

Кеңес: тамақты тым «идеализациялап» жібермеңіз — қонақ өз алдына келген тағамды суреттен тануы керек.

Фотограф жалдау

Кем дегенде бір рет кәсіби фотографты шақыру — жақсы инвестиция. Ол 2–3 сағат ішінде 15–20 тағамды түсіріп береді. Нәтижесінде сізде әлеуметтік желілер мен QR-мәзірге арналған сапалы контент базасы болады.

Мысал: Астанадағы бір кафе фотографқа 50 мың теңге төлеп, 20 фото алды. Бұл суреттер орта есеппен 2 жыл пайдаланылды — және өзін бірнеше есе ақтады.

2. Сипаттама — сатылым әкелетін мәтін

Фото көзді тартады, ал жақсы жазылған сипаттама — тапсырыс жасауға итермелейді.

• “Дәмді” етіп жазыңыз

Жаман нұсқа: «Котлетасы бар бургер»

Жақсы нұсқа: «Шырынды сиыр етінен котлет, чеддер ірімшігі мен BBQ соусымен дайындалған фирмалық бургер — фри картоппен тамаша үйлесім»

Эмоция мен елестетуге себеп болатын сөздерді қолданыңыз: «шырынды», «қытырлақ», «нежный», «мінсіз» сияқты.

• Құрамы

Адамдар тағамның құрамына көбірек мән бере бастады. Біреулер диетада, біреулерде аллергия, енді біреулер — веган.

Негізгі ингредиенттерді бірден көрсеткен дұрыс:

«Тауықтың төс еті, жаңа көкөніс қоспасы, черри қызанақтары және бал-қыша тұздығымен дайындалған салат.»

Бұл официантқа қойылатын сұрақтарды азайтып, түсініспеушіліктердің алдын алады.

3. Витрина — қонаққа бағыт беріңіз

Егер жай ғана 100 тағамнан тұратын тізімді шығарып қойсаңыз — сізге алғаш келген қонақ абдырап қалуы мүмкін.

Оған ең қызықтысын табуға көмектесіңіз:

• Үздік тағамдар

Адамдар ең жиі таңдайтын немесе сізге тиімді сатылатын тағамдарды көрсетіңіз.

(мысалы: «Фирмалық кәуәп», «Үйде дайындалған тұшпара», «Маргарита пиццасы»)

Қонақ көпшіліктің таңдауы бар жерде сенім артады — және жылдамырақ тапсырыс береді.

• Жаңалықтар

Адамдар жаңа дәмдерді байқап көргенді ұнатады.

Жаңа тағамдар енгізіп жатырсыз ба? Бірден «Аптаның жаңалықтары» деген бөлек блокқа қосыңыз.

Мысалы: «Бузиналы лимонад», «Күзгі асқабақ сорпасы».

• Маусымдық ұсыныстар

Жазда — салқын сорпалар мен лимонадтар. Қыста — ыстық глинтвейн мен қою сорпалар. Мәзірге маусымдық тағамдарды қосыңыз — бұл тиімді әрі жаңартылған сезім береді.

4. Акциялар қосыңыз — тапсырысты ынталандырыңыз

QR-мәзір — акция өткізуге тамаша арна.

Мысалы:

• Шоты 5000₸-ден асқанда — тегін десерт.
• «Бақытты сағаттар» — 12:00–16:00 аралығында жеңілдік.
• «8marta» промокоды — мереке құрметіне 10% жеңілдік.

5. «Қосымшаларды» пайдаланыңыз — орташа чекті көбейтіңіз

Классикалық мәзірде даяшы кофеге бірдеңе ұсынуды ұмытып кетуі мүмкін.

Ал QR-мәзірде бұл функция автоматты түрде жұмыс істей алады: сәйкес қосымша ұсыныстарды көрсетіңіз.

Мысалдар:

• Бургерге — кола.
• Пиццаға — қосымша ірімшік немесе халапеньо бұрышы.
• Стейкке — гарнир немесе фирмалық соус.

Қызықты мысал:

Бір бургерхана «Картоп фри + кола қосу» ұсынысын қосты — және орташа чек 15%-ға өсті.

6. Тағам карточаларындағы стикерлер — қонаққа таңдауға көмектесіңіз

Адамдар өздері үшін біреу бірдеңе таңдап қойғанын ұнатады.

Тиімді стикерлер:

• «Жаңа» — байқап көруге ынталандырады.
• «Бестселлер» немесе «Хит» — ең танымал таңдау.
• «Вегетариандық» немесе «Vegan» — бірден қайсысын таңдауға болатыны көрініп тұрады.
• «Өте ащы!» — дәмдеуіш сүйетіндер үшін.

7. QR-кодты дұрыс басып шығару жолы

QR-код дұрыс орналастырылмаса — жұмыс істемейді.

Маңызды жайттар:

• Өлшемі: кемінде 4×4 см. Үстел үстінде көзге көрініп тұруы керек, бірақ кедергі келтірмеуі қажет.
• Материалы: қағаз, ламинатталған карточкалар, тейбл-тенттер, жапсырмалар. Көшедегі кафелер үшін — ылғалға төзімді пластик жақсырақ.
• Шақыру: «Мәзірді көру үшін сканерлеңіз» деген мәтін қосыңыз. Тіпті қысқа нұсқаулық жазуға болады: «Камераны ашып, QR-ға бағыттаңыз, сілтемеге өтіңіз».
• Орналасуы: үстелдерде, кассада, кіреберісте. Бір үлкен плакаттан гөрі көп шағын қолжетімді нүктелер тиімдірек. (Дегенмен, үлкен QR-кодты витринаға, сауда орталығына немесе көшеде өтіп бара жатқандар үшін іліп қоюға болады)
• Лайфхак: бір жеткізу қызметі QR-кодтарды тапсырыс орамасының үстіне орналастырады. Үйге келген қонақтар немесе отбасы мүшелері QR-кодты өз телефонына сканерлеп, мәзірді ашып, келесі жолы өз бетінше оңай тапсырыс бере алады — егер сізде жеткізу қызметі болса.

Қорытынды: жақсы QR-мәзір = табыстың өсуі

Жақсы QR-мәзір дегеніміз:

• Тәбетті ашатын сапалы фотосуреттер
• Дәмді сипаттамалар мен анық көрсетілген құрам
• Назарды қажет позицияларға бағыттайтын жарқын витрина
• Тартымды акциялар
• Тағамдарға логикалық түрде ұсынылатын қосымшалар
• Назар аударатын жарқын стикерлер
• Дұрыс басылып, ыңғайлы жерде орналасқан QR-код